Cafodd mwy na 250,000 o sigaréts anghyfreithlon a 20Kg o dybaco rholio anghyfreithlon (digon ar gyfer 20,000 o sigaréts rholio) eu harogli a'u hatafaelu fis diwethaf o siopau a lleoliadau storio yn dilyn cyrchoedd ledled Gogledd Cymru gan gynnwys Bangor, Y Rhyl, Caernarfon, a Bae Colwyn.
Cymerodd swyddogion o Safonau Masnach, Gorfodi Mewnfudo, y Swyddfa Eiddo Deallusol a Heddlu Gogledd Cymru ran gyda chefnogaeth cŵn canfod tybaco Billy o WagtailUK.
Dywedodd Roger Mapleson, Swyddog Arweiniol Tybaco o Safonau Masnach Cymru: “Mae ysmygu yn lladd dros 5000 o bobl yng Nghymru bob blwyddyn a bydd hanner yr holl ysmygwyr hirdymor yn marw o ganlyniad uniongyrchol i’w harfer. “Tybaco anghyfreithlon yw sigaréts neu dybaco rholio sydd wedi’i smyglo a lle nad oes unrhyw ddyletswydd wedi’i thalu. “Mae hyn yn golygu y gellir ei werthu am lai na hanner pris tybaco cyfreithlon yn yr economi anffurfiol gan greu problem sylweddol yn ein cymunedau. “Mae’n ei gwneud hi’n llawer haws i blant gael mynediad at dybaco a chael caethiwed gydol oes ac mae’n ei gwneud hi’n llawer anoddach i ysmygwyr presennol roi’r gorau iddi.”
“Mae canlyniadau’r cyrchoedd hyn yn dangos pa mor effeithiol y gall gweithrediadau ar y cyd fod. “Mae tybaco anghyfreithlon yn cael ei ddosbarthu a’i gyflenwi drwy rwydweithiau troseddol cyfundrefnol – mae hyn yn aml yn gysylltiedig â gweithgaredd troseddol arall ac yn dod â throseddu i’n cymunedau lleol.”
Yn ogystal â’r symiau mawr o dybaco anghyfreithlon a gafodd eu hatafu, atafaelodd swyddogion werth £20,000 o vapes anghyfreithlon ynghyd â llawer iawn o bersawr ffug.”
Mae dau safle wedi cau ac un unigolyn wedi'i arestio. Mae ymchwiliadau'n parhau.
Mae tybaco anghyfreithlon yn niweidio cymunedau fel eich un chi. Os ydych chi'n gwybod unrhyw beth am sigaréts amheus yn eich ardal, rydyn ni eisiau gwybod. Adroddwch yn gyfrinachol. YMA.