Beth Yw Anweddau Anghyfreithlon?

BETH YW VAPES ANGYFREITHLON?

Fêps anghyfreithlon yw e-sigaréts neu gynhyrchion anweddu sydd heb eu profi ac sy’n cael eu gwerthu yn y DU heb ddilyn y rheolau cyfreithiol. Gall hyn gynnwys Fêps ffug neu wedi’u ffugio, rhai sydd â gormod o nicotin, neu gynhyrchion nad ydynt wedi cael eu gwirio’n iawn. Gall Fêps anghyfreithlon niweidio iechyd pobl – yn enwedig pobl ifanc.

PA FATHAU SYDD YNA?

Brandiau ffug:

Fersiynau ffug o frandiau fêp poblogaidd. Maen nhw’n aml yn edrych yn debyg ond ddim yn bodloni safonau cyfreithiol.

Fêps rhy gryf

Mae rhai fêps anghyfreithlon yn cynnwys llawer mwy o nicotin na'r hyn a ganiateir, gan eu gwneud yn gryfach na chynhyrchion cyfreithlon.

Brandiau smygledig:

Efallai na fydd y fêps sy'n dod o wledydd eraill yn dilyn rheolau'r DU ac maen nhw’n gallu cynnwys cynhwysion sydd wedi'u gwahardd yma.

SUT I’W WELD?

Gormod o Hylif / Nicotin

Ni ddylai dyfeisiau Fêp a werthir yn y DU gynnwys mwy na 2ml o e-hylif nac fwy na 20mg/ml (2%) o nicotin. Mae cynhyrchion sy’n honni eu bod yn cynnwys lefelau uwch, fel 5% (50mg/ml), yn anghyfreithlon.

Dylai Fod â Manylion Gwneuthurwr neu Fewnforiwr yn y DU neu’r UE

Yn ôl y gyfraith, rhaid i bob pecyn Fêp ddangos enw, cyfeiriad a rhif ffôn gwneuthurwr neu fewnforiwr sydd wedi’i leoli yn y DU neu’r UE. Os yw’r wybodaeth hon ar goll, yn aneglur, neu’n rhestru cwmni nad yw o’r DU/UE, yna nid yw’r cynnyrch yn gyfreithiol i’w werthu yn y DU.

Rhybuddion Iechyd Anghywir

Dylai rhybuddion iechyd orchuddio XNUMX% o flaen a chefn y pecyn – “This product contains nicotine which is a highly addictive substance.” - “Mae’r cynnyrch hwn yn cynnwys nicotin sy’n sylwedd hynod gaethiwus.”

Dylai Fod Wedi’i Gofrestru gyda’r MHRA

The yr MHRA yn cynnwys rhestr o’r holl ddyfeisiau cofrestredig a chyfreithiol. Gallwch chwilio am y rhif ECID yn y cyfeiriadur i wirio a yw’r cynnyrch wedi’i gofrestru.

Prisiau anarferol o isel

Os yw Fêp yn cael ei werthu am lawer llai nag y byddech chi’n ei ddisgwyl – yn enwedig o ran brandiau poblogaidd – gallai fod yn anghyfreithlon.

Wedi’i Werthu Heb Brawf Oedran

Os nad yw’r gwerthwr yn gofyn am ddogfen adnabod wrth brynu, mae’n debyg nad ydyn nhw’n dilyn y rheolau ac efallai eu bod yn gwerthu cynhyrchion anghyfreithlon.

GWERTHIANT FÊPS I DAN OED

Mae’r defnydd o Fêps ymhlith plant ysgol yn peri pryder cynyddol ledled y DU. Cynhaliodd ASH Cymru un o’r astudiaethau mwyaf erioed i ddeall defnydd pobl ifanc o Fêps. Canfu’r astudiaeth fod chwarter o blant ysgol wedi rhoi cynnig ar Fêp, ac ymhlith y rhai sy’n eu defnyddio’n rheolaidd, roedd XNUMX% yn defnyddio cynhyrchion anghyfreithlon heb eu profi. Mae hyn yn tanlinellu’r angen brys i fynd i’r afael ag argaeledd a diogelwch y cynhyrchion hyn i bobl ifanc.